سألت من قبل عندما كنت أكتب تحت أسم كبير المتشردين ,,, ماذا تحبون في مصر وأقصد هنا مصركم وليس مصري الموازية …. والآن أكرر سؤالي منتظرا إجابة مقنعة فصيحة غير الإجابات الغير مقنعة بالمرة التي ترددونهم كأنكم نسخ معادة من برامج القناة الثالثة المصرية

انا هتكلم عن نفسي قبل ما أتكلم عن الناس انا بصراحة مش بحب حاجة في مصر أي حاجة غير نفسي بحب مصر لاني مصري غصب عني مش انا الي اخترت أكون مصري ومش هقدر اكون غير مصري حتي لو حصل وهاجرت وحصلت علي اي جنسية تانية أكيد هفضل من أصل مصري وهيعاملون في الدولة الي هحصل علي جنسيتها علي اني مصري وأكيد هدخل في صراع الولاء والانتماء علشان كده بس متمسك بمصر وبحاول اني اعيش فيها غير اني مش بحب الغربة رغم ان الفقر في الوطن غربة والغني في الغربة وطن ولكن من يعوضني عن أهل أعرف أن هذا الصراع سيظل بداخلي الي أن يحسمه احد بأجابة مقنعة أو استجيب لمطلب الهجرة أو افني دون ذلك أو ذاك

اما عنكم ايها السادة والسادات فأجابتكم الغير مقنعة تصيبني بكثير من الرغبة في العزلة أجابات غريبة تدهشني كل يوم من الشعب المصري

منكم من يجيب اصل بحب النيل… هو يعني مكنش في انهار في العالم غير النيل

والي بيحب الهرم ….. طيب وماله يعني صور الصين العظيم

والي بيحب أصحابه وميقدرش يبعد عنهم … طيب ما ممكن يبقالي اصحاب في اي مكان في العالم حتي اسرائيل

والي بيحب الحضارة والي بيحب التاريخ والي بيقول اصل مصر مهد الرسالات واسباب غريبة جدا جدا جدا كلها غير مقنعة بالمرة وغير مجدية في محاولة التغلب علي الصراع الداخلي المنطقي عند نص شباب جيلي علي الاقل

عموما انا هطرح نفس السؤال للمرة التالتة ليه بتحبوا مصر ….. طيب لو بتحبها من غير سبب عملت علشانها ايه وبلاش بالله عليكم حكاية نزلت مظاهرتين وعملت اضرابين ودخل المعتقل 3 مرات اصل مش دي التضحية ولا ده النضال ولا ده مقياس التفوق وياريت متعتبروش ان ده اقلال من الناس الي بتنزل مظاهرات بس عمر ما ده كان مقياس حب مصر ويقدر يوضح فكرتي الناس الي بتنزل وتقولكم فكرة المصالح السياسية الموجودة في المظاهرات والي بيمثل فيها الأغلبية العظمي من الشباب الي بيحبوا مصر بجد دور الأداة ليس أكثر

أسراء عبد الفتاح أحمد راشد

هي صاحبة الصورة الموجودة بالاعلي

رغم الابتسامة الموجودة علي وجهها

ورغم الرقة التي تظهر علي عينها

الا انها اقلقت كل رجال الحزب الوطني

وجعلت النوم يفارق عين عزيز مصر

انها صاحبت حزب الفيس بوك

والوريثة الشرعية لجميلة بوحريد

ادعو لها بأن تخرج من سجنها علي خير

ما قاله تيت راديو

ما كتبه عنها احمد شقير

ما كتبه عنها أحمد عبد الفتاح

ما كتبه عنها سامي

ما قالته لجنة الحريات في اتحاد المدونين المصرين

وكثير قالوا عنها وقالوا

ولن نوافيها حقها

الصور دي من مدونة متر الوطن بكام

شوفوا بقيت الصور هناك

ياريت تشوفوا الفيديو بالصوت علشان تسمعوا صوت ضرب الرصاص المطاطي

من قصيدة الأحزان العادية

“يا عم الظابط إنت كداب واللي بعتك كداب. مش بالذل حشوفكم غير أو استرجى منكم خير إنتو كلاب الحاكم وإحنا الطير إنتو التوقيف وأحنا السير. إنتوا لصوص القوت واحنا بنبني بيوت إحنا الصوت ساعة متحبوا الدنيا سكوت إحنا شعبين شعبين شعبين شوف الاول فين والتاني فين وأدي الخط مابين الاتنين بيفوت إنتوا بعتوا الارض بفاسها بناسها في ميدان الدنيا فكيتوا لباسها بانت وش وضهر بطن وصدر ماتت والريحه سبقت طلعت أنفاسها. واحنا ولاد الكلب الشعب احنا بتوع الاصعب وطريقه الصعب والضرب ببوزظ الجزمه وبسٍن الكعب والموت في الحرب لكن انتوا خلقكم سيد المُلك جاهزين للمُلك إيدكم نعمت من طول ما بتفتل وبتفتل ليالينا الحلك احنا الهلك وانتو الترك سوها بحكته رب الملك أنا المسجون المطحون اللي تاريخي مركون. وانت قلاوون و”ابن طولون” ونابليون. الزنزانه دي مبنيه قبل الكون قبل الظلم ما يكسب جولات اللون … يا عم الظابط إحبسني رأينا خٍلف خلاف سففني الحنضل وإتعسني راينا خلف خلاف احبسني أو اطلقني وادهسني راينا خلف خلاف واذا كنت لوحدي دلوقت بكره مع الوقت حتزور الزنزانه دي اجيال واكيد فيه جيل أوصافه غير نفس الاوصاف: إن شاف يوعى وإن وعي ما يخاف إنتوا الخونه منك ضعفي وجبروتك مني خد مفتاح سجنك وياك واترك لي وطني وطني غير وطنك ومشي قلت لنفسي : ” ماخدمك إلا من سجنك ”

مع الاعتذار الكامل لكل من سيشارك في الإضراب

لست مضربا

نعم لست مضربا لأسباب عدة

فغير الأسباب التي ساقها احمد شقير لدواعي فشل الإضراب

فأنا أري المسافة بيني كفرد عادي من الشارع المصري

وبينكم كمن تمارسون السياسية يتسع

لا أفهمكم ولا تفهموني

لا أصدقكم ولا تسمعوني

مطالبكم التي تضغطون للحصول عليها لا تعنيني في شيء

هنيئا لكم الإضراب

ولنا المشاهدة

ملحوظة …. إلي رجال الأمن

وجودي غدا في المنزل ليس إضرابا ولكنه لظروف طارئة

وملحوظتي ليست خوفا منكم

لم أكن في رد فعلي حول ما نشر من قبل حول هجرة المصريين إلي إسرائيل وزواجهم من اسرائليات وعملهم بالجيش الإسرائيلي قلقا أو عصبا وكان ردي دائما في هذه القضية يثير الطرف الأخر

كنت أرد دائما انه حق مشروع لكل مصري أن يختار تلك الدولة التي يعيش فيها ففكرة الدولة هي فكرة مصلحة في المقام الأول وانتماء الفرد إلي جماعة معينة يكون الهدف منه المصلحة الجماعية والفردية للمجتمع وهذا ما ينطبق علي الدولة وفكرة تكوينها ومصر كدولة فقدت معناها وفقدت كل مميزاتها ولم تعد تحمي مصالح شعبها وسكانها بقدر نهبها مصالحهم والكل شهود

وكنت أتسال لماذا أذن لا أهاجر ؟ والسؤال ليس شخصيا

فالإجابة كانت الهجرة حرية شخصية بس مش إسرائيل

طيب ليه انجلترا وإسرائيل لا

ليه فرنسا وإسرائيل لا

وكانت الإجابات تأتي خاوية من أي معني عقلاني فتاريخ هذه الدول معنا مثل تاريخ إسرائيل عبارة عن مجموعة من الحروب والاحتلال و لعبات المصالح الاقتصادية والسياسية القذرة

كنت أكمل حديثي عن مدي نفع ذلك الشخص الذي قرر التنازل عنا الآن ورحل وتركنا ماذا لو استمر في هذه الدولة هل سيكون رجل صالحا …

أعتقد أن الأمر واضح أنه سيكون فاسد من ضمن ملايين الفاسدين فرحيله أفضل بكثير من بقائه

لم أكتب لكي أبرر فكرتي أو أوضح رأي في قضية لم أكن أهتم بها

ولكن

منذ لحظات وصلتني تفاصيل هروب اثنان من ضباط قواتنا المسلحة لإسرائيل

والقصة كالتالي….

الأول هو نقيب/ XXXX والثاني هو رائد/XXXXX

الاثنان من ضباط الدفاع الجوي في احد الفرق في صعيد مصر ينتميان لمناطق مختلفة فالأول من المنوفية والثاني من الإسكندرية

ملفات الاثنان تخلفوا من العقوبات والجزاءات

الأول حصل علي ثلاث فرق متخصصة

الثاني حصل علي فرقتان متخصصتان وواحدة في مجال الإدارة العسكرية

اختير الاثنان للحصول علي احد الدورات التدريبية في الصين كانت الدورة من في شهر فبراير الماضي وبالتحديد خرجا الاثنان من مصر في الثالث والعشرون من شهر فبراير وكان مقرر لهم العودة في 18 مارس ولن سفرهم لإسرائيل قد سبق العودة فكان سفرهم بتاريخ 15/3

ومن الصين توجه الاثنان إلي إسرائيل

ما أريد قوله كيف لمثل هذان الشخصان أن يخدعان الأجهزة الأمنية في القوات المسلحة خصوصا والتي من المفروض أنها تتميز بالدقة والقدرة العالية وهل أصبحت مصر ضعيفة إلي هذا الحد الذي يخدع فيه شخصان مهما كان من الذكاء أجهزة المخابرات والأمن الحربي والمدني

أم أن حلم الوحدة الذي يسيطر علي عقول حكومتنا أًصبح هو الفيصل في كل شيء

وداعا للمبادئ والقيم والوطنية وأهلا بالوحدة مع إسرائيل ولماذا لا يهاجرون الي اسرائيل وهذا حالهم

أقرار

أقر أنا الموقع أدناه وأنا في كامل قوي العقلية ودون ضغوط أو قيد من أحد

أني متنازل عن جنسيتي المصرية

لأني قدر قررت أن أحصل علي جنسية مصرية تانية

جنسية جمهورية موازية لجمهوريتك دون عيوبها

نعم دولة داخل الدولة وكيان داخل الكيان

جمهورية بنظام جمهوري حقيقي

وبشعب لم يقتله الجهل والمرض والفقر

أنا شعبها الوحيد وانا حاكمها حتي الان

لن أمنح جنسية مصر التانية

الا لمن ينجو من أمراض مصركم

التوقيع   :   مواطن مصري سابق

يعني ايه 15 مايو؟

سؤال دورت علي اجابته كتير في تاريخ مصر

3 مدن بأسم 15 مايو

5 شوارع

كوبريين

يبقا اكيد في حاجة كبيرة في اليوم ده

بس احنا مخدنهاش في ابتدائي

للاسف بعد رحلة طويلة من البحث افادني احد خبراء التاريخ بالتالي

ان 15 مايو ده كان تاريخ ثورة التصحيح

بتاعة مراكز القوي ايام السادات

استاذ فاهم في التاريخ بقا ولازم يجاوب

بس بعد فترة بحث عن ثورة التصحيح وكل ما حولها اتضح

ان ثورة التصحيح لم تكن يوم 15 مايو زي ما الجهبز قال

ثورة التصحيح ابتدت بصدام الاستقالات

وأول استقالة كانت يوم 17

ولا يمكن السادات كان بيقرا الكف والفنجان ويفتح المندل وعرف قبلها

مش هتكلم عن حقيقة ثورة التصحيح دلوقتي

بس الفكرة ليه 15 مايو

الفكرة ببساطة شديدة

ان السادات بعد معاهدة السلام مع اسرائيل التي كانت تدعمها امريكا

من بعد وفاة عبد الناصر وتحول الاتجاه المصري للمعسكر الغربي

بالتحديد امريكا كبديل لروسيا

كان من الواجب علي كل مصري يحب وطنه من امثال الزعيم الراحل طبعا

ولازم اقول كده علشان محصلوش برصاصة بنص جنيه

يخبي التاريخ ده باحتفالات مزعومة

التاريخ ده هو تاريخ إعلان قيام دولة إسرائيل بعد فترة من حرب العصابات

اه 15 مايو 1948 وده كان سبب قرار الملك دخول الحرب

والي أترتب عليه بعد كده قيام الثورة

حقا انه واجب وطني

وحقا انه الزعيم المؤمن كما كان يحلو للبعض