04.05.08
انا مش هضرب بكره
مع الاعتذار الكامل لكل من سيشارك في الإضراب
لست مضربا
نعم لست مضربا لأسباب عدة
فغير الأسباب التي ساقها احمد شقير لدواعي فشل الإضراب
فأنا أري المسافة بيني كفرد عادي من الشارع المصري
وبينكم كمن تمارسون السياسية يتسع
لا أفهمكم ولا تفهموني
لا أصدقكم ولا تسمعوني
مطالبكم التي تضغطون للحصول عليها لا تعنيني في شيء
هنيئا لكم الإضراب
ولنا المشاهدة
ملحوظة …. إلي رجال الأمن
وجودي غدا في المنزل ليس إضرابا ولكنه لظروف طارئة
وملحوظتي ليست خوفا منكم
رفقه عمر قال,
أبريل 5, 2008 في 11:17 ص
طبعا انا مش بافهم فى السياسه زيك
بس انا واثقه ان اكيد قرارك صح انا كمان مش هاضرب
اساسا انا كدة كدة قاعده فى البيت مش باخرج الا نادرا
ma-3lina قال,
أبريل 5, 2008 في 5:47 م
كلماتك المعدودة تحمل معاني كثيرة وتصف الحال بأقل الكلمات .. وفيها نبرة الحزن على حكومة تحكم لنفسها ومعارضة تعارض لأجل نفسها .. وإحنا عنهما كأبعد ما يكون
مش عارف أقول لك إيه .. بس أكيد فيه أمل .. وأكيد كل هذا المخاض لولادة شيء ما ..
ألف قال,
أبريل 5, 2008 في 7:45 م
أنت شايف أن الحكومة وحشة و المعارضة برضه وحشة و ما فيش فايدة..طيب انت رأيك إيه في الدنيا، و لو كان الأمر بيدك كنت عملت إ،يه و هل ناوي تحاول و لا خلاص مستسلم؟
و بعدين الحكومة وحشة…مفهومة، لكن إيه هو المطلوب من المعارض أنه يعمله علشان ما تقولش عليه بيعارض لنفسه! ما هو المعارش دا مش خريج كلية معارضة و لا متعين على درجة معارضة. دا واحد ساكن في شارعكم و في حاجات مش عاجباه و شايف أن الحال ممكن يكون أحسن.
و هل فعلا مطالب العدالة و الحرية و الغلاء و الحياء الكريمة لا تعنيك في شيء؟
مصر تاني قال,
أبريل 5, 2008 في 10:17 م
رفقة عمر
دلوقتي اقدر اقولك اني هرد عليكي مش هسكت زي كل الكومنتات الي فاتت
شكرا علي وقفك جنبي في تجربتي الجديدة ومجاملاتك الرقيقة
مصر تاني قال,
أبريل 5, 2008 في 10:18 م
ما علينا
الامل في جيل جديد بيحاول انه يعمل المستحيل جيل بفخر اني بنتمي ليه يمكن بنفتقد حاجات كتير بس معندناش العجز ولا الخوف
مصر تاني قال,
أبريل 5, 2008 في 10:24 م
ألف
اهلا بيك في مدونتي المتواضعة
انا برفض الحكومة شكلا وموضوعا وانا معارض مثلي مثل اغلب طبقات شعب مصر
ايجابتي علي سؤالك هي سبب رفضي للمعارضة
انا اكتر حاجة بتعنيني في الشارع هي الحرية … اكتر من اي حاجة تاني علشان كده برفض اسلوب الوصاية من تكتلات المعارضة الي بتحسسني في قرارتها انها صورة مصغرة من الحكومة او الالهة البشرية الي بنشوفها مع اختلاف الاسماء والقدرة ولا اعني هنا اشخاص فحتي المنتمين لتكتلات وحركات معينة ليسوا جميعا علي قدر واحد من الطهارة والنزاهة او الخسة والدنائة
ابهي صور المعارضة التي احلم بها استاذي العزيز هو المعارضة البنائة المعارضة الي وجدت لفترة منذ ثلاث اعوام تقريبا لفترة معارضة تتحرك نحو طبقات المجتمع الغير فعالة (الاغلبية الصامته )
وليست المعارضة التي تبني علي الضغط فقط من اجل الحصول علي مصلحة معينة او هدف وقتي بسيط
الحكومة بناء صلب لن ينهيه الاعتصام او الاضراب لكن الفساد الموجود ينهيه اجيال طاهرة مثقفة
تحياتي يا من اجبرتني علي الرد