06.14.08
ما زلت متمسك بكم
قبل أن أكتب كلمة واحدة لأي مدون يجب أن أوضح ان الترتيب لا يعني شيء وان كلماتي ما هي إلا رسائل تعبر عن رأي شخصي
رفقة عمر : – لا زلتي تحتفظي بمكانتك الأخوية لدي ولكن رغم ذلك فقدت إحساسي بكتاباتك لا أعرف قد أكون من تغير أو أكون قد مللت الكتابة من منظور ديني لكل شيء فلكل شيء جوانب أخري ولكي كل الحق أن تكوني نفسك
شهروزة :- ما زلتي تحتفظين ببعض غموضك وما زلتي مثيرة للجدل بأفكارك المتضاربة بحثك الغريب عن شيء اشعر إني اعرفه وانك لا تعرفينه سيصل بك إلي حالة الفراغ علي كل حال ما زلت افتقدك وافتقد دكتور شريف الصيفي أيضا
بنت سعد :- كان ما يعجبني في كتاباتك وفي شخصك هو إني وجدت بداخل خليط بين جيفارا وبنت البلد والآن افتقد الاثنان معا كما افتقد ردودك علي من زاروا مدونتك وافتقد الفضيلة التي لا تملكينها
سمراء النيل :- هو انتي مش كبيرة سننا بس دايما بحس انك أم للمدونين مش عارف ليه بحس انك ست الحاجة الكبيرة إلي لازم تشوف أهل البيت محتاجين إيه ولازم تشملهم برعايتها
زنوبيا :- ما زالت نظرتك الفلسفية للأمور تعجبني فكيف نعيش الحياة بدون النظر لها من جميع الإبعاد ما أجمل العقل أن استخدمه البشر
محمد العناني :- ما زال سؤال يحيرني كيف تظل محبوس بين أسوار أخوان عاكف وأنت تتمتع بتلك الروح الثورية والفكر الذي لم أراه فيهم قد يكون القصور مني في رأيتهم لكني رأيت ما بداخلك دون تشويش أو قيود
كريم افتقد صداقتك بعد سفرك وتأكد اني ما زلت بعقلي ولم أجن بعد فقد كان حديثي معك حول الهجرة الي أسرائيل مجرد نقاش مع الذات بصوت مرتفع منتظرك في قهوة في وسط البلد متتأخرش
أحمد التابعي :- لا أعرف كيف أشكرك علي محاولتك لإرجاعي لعالم التدوين وكيف انسا وقوفك بجانبي ومدحك لي عموما يا احمد حتي لو رحل واحد زي مش مشكلة لاني مش محترف كتابة زيك انت وناس تانية ممكن التدوين يخسرهم في لحظة
أحمد شقير :- أستاذي العزيز أحمد شقير أولا شكرا ليك اوووي علي مدحك ليه في رسالتك علي الفيس بوك ثانيا انا الي بعمل المدون مش هي الي بتعملني أعتقد ان لو احمد شقير رحل عن مدونته لمدونة اخري لبحثنا عنه فليس السر في الحكاوي الليلة ولكن السر في شخص احمد شقير الذي اعتبرته منذ زمن طويل استاذي وظل كذلك في وقت افتقد فيه كل المدونين مكانتهم تحياتي لك
سمسمة :- ما زلت في انتظار زيارتك لمدونتي فرغم مرور عامان متتاليان علي متابعتي لمدونتك الا اني لم أنل شرف زيارتك من تواضع لله رفعه اعرف اني لست من من تهوين لكن بالنقد ترتفع أرجل الرجال علي درجات المجد
هاني جورج :- من حسنات الست أيمان سعد انها عرفتني عليك وبجد انا الكسبان بس يا خسارة مشغولة لدرجة اني مش بقدر اقابلك اون لين ولا مرة I miss u
أنا جعان :- قسوة قلبك ليه قست قلبي عليك ( لو كنت فظا غليظ القلب لانفضوا من حولك
أخيرا وليس أخرا طقم وسط البلد بالكامل هو ايه ملكمش حس ليه متكنوش لقيتوا شغلانة غير التدوين لا مؤخذة ؟؟؟ ده علشان اطمن عليكم بس
اسف للناس الي نسيتهم بس ده جزء بسيط من ناس اثرت فيه في عالم التدوين
Ahmed shokeir قال,
يونيو 15, 2008 في 5:46 م
وها قد عدت مرة أخرى لمشاكساتك التي عهدناها في كبير المتشردين أو مملكة المتشردين ، بالفعل الشخص هو الذي يصنع المدونة ولكن بعد ان يرتبط بها الآخرون فإنه ليس من السهل إغلاقها والبدء من جديد ، بالطبع لك أسبابك ولكنها كانت ملحوظة عابرة، أعجبتني وجهة نظرك الاولى عموما عن كتابات رفقة عمر وهنا أنا لا اعني المدونة ولكن أعني الرأي بغض النظر لمن هو موجهه فأنا دائما من أنصار الرؤى المختلفة والطرق المختلفة للكتابة عند نفس الشخص وهو ماأحاول أن أتحراه دائما
تحياتي
مصر تاني قال,
يونيو 15, 2008 في 9:33 م
بص يا استاذ احمد انا مقدرش اجادلك في رأيك لانك قبل كل حاجة استاذي ولانك ادري مني ببوطن الامور
اما بالنسبة لرأي في رفقة عمر انا بتفق معاك في الي قلته بس كمان ده رأي في الشخص رغم انها اختي الكبيرة الا اني متأكد انها ستتقبل النقد
karakib قال,
يونيو 16, 2008 في 1:13 م
متشكر
مش عارف اقول ايه
متشكر بجد
karakib قال,
يونيو 16, 2008 في 1:14 م
مش عارف التعليق بيروح فين
رفقه عمر قال,
يونيو 17, 2008 في 6:27 م
طبعا باشكرك انك ذكرتنى وكمان اول اسم واوعدك اخد بنصيحتك
بس على فكرة انا فعلا لاحب اتكلم فى الدين جدا احنا الدين فى حياتنا منهج حياه واحنا للاسف مخصصين له جزء قليل جدا من حياتنا انا باحاول ابين انه كل الحياه لا ادعى انى افضل منكم ولكنى باتعلم معكم لانى الزم نفسى بما اكتب حتى لا اكون ممن تحقق فيهم قوله الله تعالى
يايها الذين امنوا لما تقولون مالا تفعلون كبر مقتا عند الله ان تقولوا مالا تفعلون
بس اوعدك انى هاخد بوجه نظرك
واشكرك استاذ احمد شوقير انه بيتابع مدونتى دة شرف كبير ليا
كريم قال,
يونيو 18, 2008 في 6:54 ص
متخافش يا صديقي لسة ما أعتبرتكش من ضمن قائمة المختلين !!
..
..
بالعكس أنا كنت سعيد جدا بمناقشتك بكل صراحة ووضوح ولسة مستنيك عشان نكمل كلام إن شاء الله
بالنسبة لوجهة نظرك عن الكتابة بالمنظور الديني .. فأرجوك ما تخليش ظروف تانية حوليك تغير حقايق كتير من اللي إنت مؤمن بيها .. زي ما قالت رفقة عمر الدين منهج حياة مش مجرد منظور أو جانب من الجوانب .. او ما يسمى بجانب ديني !!
..
وإحنا كمان متمسكين بيك ومستنيينيك ترجع زي زمان .. كبير وشاهبندر مملكة المتشردين العظمى
مصر تاني قال,
يونيو 18, 2008 في 1:44 م
رفقة عمر
اعرف ان من الحرية التامة اختيار اسلوب الكتابة فكيف لنا ان ندافع عن الاخوان عاكف واقباط امريكا وهو ينحلون فراء بعضهم البعض ونقول انها الحرية وامنعك من حق من حقوقك
لا أعيب عليكي انك تتمسكين بشخصيتك المستقلة بل بالعكس تماما افخر انك تدونين نفسك ام نسيتي اني اول من نصحتك بأن تكوني نفسك
وبالنسبة لكلام احمد وكريم هو ده اختلاف الاذواق مش مطلوب مننا اننا نكون نسخ من بعض والا كانت الحياة بقت مملة اوووي
علي فكرة يا رفقة لو مدونتك مش بتعجبني مكنتش فكرت في اسمك اساسا مش هقولك مكنتش هتابعك لاني مش بعرف اجامل واني اكتر واحدة عارفة كده
مصر تاني قال,
يونيو 18, 2008 في 1:46 م
لسه يا كيمو زي ما انت رغم الظروف الجديدة عليك بس متأكد انك اقوي وهتعديها بأذن الله شكرا يا كيمو انك محطتنيش في قايمة المختلين بس انت عارف اني مش بحط قيود علي عقلي وحتي لو كان التفكير في حاجة محظورة ومعنديش خطوط حمرا في التفكير وانشاء الله كلامنا يا ريس كيمو هيكون في المحروسة مستنيك يا صاحبي
مصر تاني قال,
يونيو 22, 2008 في 11:03 ص
هاني باشا
اولا انا الي بشكرك اني شرفت البلوج بتاعي بزيارتك الكريمة
ثانيا يا هاني انا مقلتش اكتر من الحقيقة ومن غير مجاملة
ثالثا بقا التعليق بتاعك كان بيروح فين ده من الورد بريس مش مني وانا مكنتش واخد بالي