09.28.08
والمسرح القومي كمان – علي البركة
يالهوي يا اما يا لهوي الي في دماغي طلع صح ومصر طلعت محسودة مجلس الشورى وبعده الدويقة و كمان المسرح القومي لا احنا مش لازم نسكت احنا لازم نعمل حاجة دي مصر اعز حاجة في الدنيا عندنا هنسبها تتحرق حته حته احنا لازم نبخر البلد من العين لازم مصر تترقي من عين الحسود احنا نجيب طيارة وتلاتة طن بخور من الصين علشان نبخر البلد علي الاقل القاهرة يا اخونا شكلنا بقا وحش قدام البلاد التانية …. يا خوفي لا ميطلعش حسد ومتكونش البت كوندليزا هي الي حسدتنا ويكون حد في بتوع اسرائيل عمل لنا عمل ولا حاجة احنا لازم نفتح المندل
يا خبر اسود بجد بجد انا مش زعلان علي المسرح ولا مجلس الشوري انا زعلان علي البلد الي بتحلل الحوادث بأسلوب ام احمد وزير الثقافة العلامة ابن الست ام فاروق بيقول الي حصل ده سوء قدر يا حبيبي يا ابني طيب لو وزير الداخلية ولا الدفاع اصدق دول تعليمهم وقف عن الثانوية العامة مع شوية فنون عسكرية وخلاص علي كده الاخ بتاع الثقافة بيقول سوء قدر طيب والدويقة كان ايه سوء طالع ولا يمكن برج المشتري مكانش متوافق مع برج الريس في الشهر ده ولا الحكومة عندها عواكس مش اسمها كده يا ابن الحاجة ام فاروق
geddo iskandar قال,
سبتمبر 28, 2008 في 1:50 م
قالك معمولنا عمل مدفون في كبوت عربية جيب بمدفع رشاش راكبها شوية برابرة خطفين شوية سياح بتلف بين مصر و السودان و ليبيا و تشاد كل إسبوع والعمل ده معمول عند قرصان صومالى لصالح واحد حداد كبير إسمه أحمد بيزو … طيزه … زيزو – حاجه كده …
مسيرنا حنلاقي العمل و نحرقه – متقلقش خالص !!
احمد قال,
سبتمبر 28, 2008 في 5:41 م
هأقولك خبر حلو…حكومتنا الموقره قررت فعلا استيراد بخور من الصين علشان ترش بيه مصر كلها يمكن الحسد ينتهى
……..ولسه البقيه تأتى
engy قال,
سبتمبر 28, 2008 في 9:11 م
والله ربنا يستر مش عارفين ايه تانى ممكن يتحرق
وكله سؤ تقدير او سؤ طالع
رفقه عمر قال,
سبتمبر 29, 2008 في 11:45 ص
كل سنه وحضرتك طيب
ومبروك عودتك لتدوين بالتوفيق ان شاء الله
عيد سعيد
medaad قال,
سبتمبر 29, 2008 في 3:11 م
انا كنت عاوز اقترح انو الجماعة تحكم على (الماس الكهربائي) بالسجن المؤبد.. ويجيبو شيخ زي ما قلت حضرتك ويفكو السحر والحسد عن مصر..
مصر تاني قال,
سبتمبر 30, 2008 في 1:53 ص
انجي المشكلة في العين احنا محسودين
مصر تاني قال,
سبتمبر 30, 2008 في 1:54 ص
رفقة عمر
عجبتني اوووي حضرتك فلذلك كل سنة وحضرتك طيبة وشكرا لكي انك كسرتي حاجز صمتك لتدوني علي مدونتي المتواضعة
والله يبارك فيكي
مصر تاني قال,
سبتمبر 30, 2008 في 1:55 ص
مداد
مشكلة الماس الكهربائي في مصر عويصة اوووي لان احنا التشريع الي عندنا في فرنسي من ايام نابليون ومكنش في وقتها كهربة قليلة الادب زي الكهربة بنت الكلب الي عندنا علشان كده مفيش نصوص خاصة بالكهربة
الي خايفة من بجد انهم بيقولوا عايزين يعملوا محطة توليد كهرباء بالطاقة النووية لما احنا كده وبنولع امال لو نووي هنعمل ايه
ماهر الشيال قال,
أكتوبر 1, 2008 في 12:49 ص
حريق القومي ومن قبله الشوري والدويقة والعبارة وقصر ثقافة بني سويف ،وحريق قطار الصعيد وسقوط الطائرة المصرية قبالة السواحل الأمريكية ، وانهيار العمارات في مصر الجديدة ولوران وبحري والصعيد وموت آلاف المصرين بأمراض السرطان والقلب والكبد ونهب قرابة التريليون دولار هذه هي انجازات مبارك وحكوماته وعائلته ده على مستوى مصر عربيا بقى خد عندك المساهمة الفعالة في احتلال العراق وإعادته إلى عصور ماقبل التاريخ ، الدعم الكامل والغير مشروط للكيان الصهيوني للإجهاز على المقاومة لدرجة إن مبارك يصرح إن تحرير جلعاد شاليط أولوية مصرية في أي مباحاثات طب خليها في سرك مستاهلة تسيح يعني وبعد ده كله زعلانين إن المصريين شمتانين في حريق الشورى يا أخي والله دي شورة طين ربنا يورينا فيكو يوم .
مصر تاني قال,
أكتوبر 1, 2008 في 1:37 م
في احنا يا عم انا مالي انا زي زيك بقول حسبي الله ونعم الوكيل مع كل صباح وكل مسا